[Show all top banners]

_____
Replies to this thread:

More by _____
What people are reading
Subscribers
Subscribers
[Total Subscribers 1]

Rahuldai
:: Subscribe
Back to: Kurakani General Refresh page to view new replies
 वैद्यलाई सोध्नु मेरो छोरा मारेर के पाए ?
[VIEWED 4247 TIMES]
SAVE! for ease of future access.
Posted on 11-30-13 8:29 AM     Reply [Subscribe]
Login in to Rate this Post:     0       ?    
 

वैद्यलाई सोध्नु मेरो छोरा मारेर के पाए ?

"बैद्य भनेका को हुन् मैले त चिन्दिन, तपाईले भेट्नु भयो भने सोधिदिनु मेरो छोरा मारेपछि उनले के पाए ? किन मारे मेरो छोरो ?”

-श्याम गुप्ता

छोराको मृत्युको शोकमा राधादेबी यादव । तस्वीर: श्याम गुप्ता

“२८ कात्तिक बिहान अली अबेर हामीले खाना खायौं, छोराको गाडी बेलुकामात्रै छुट्ने भएकोले ऊ पनि सँगै थियो । छतमा बसेर घाम ताप्दै उसले भन्यो “माइ, यसपाली काठमाण्डौंबाट स्वीटर ल्याइदिन्छु, गुद्पाक र पुष्टकारी पनि ल्याइदिउँला ।”

राकेशलाई राम्रो स्कुलमा पढाउन सकिएन, उसले पनि पढाइमा धेरै मन गरेन । ड्राइभर बन्ने रहरले खलासीको काम गर्न थाल्यो । ड्राइभर भएपछि अली धेरै कमाई हुन्छ र घरको समस्या समाधान हुन्छ भन्थ्यो ।

२८ गते दिउँसो घरबाट हिंडने बेला स्वीटर ल्याएर पर्सी आउँछु भनेको छोरो कहिल्यै नआउने गरी गयो ।

कलैया–काठमाडौं चल्ने रात्री बसको खलासी थियो मेरो छोरो राकेश । उसको कमाई त कति नै हुन्थ्यो र ! हामी पनि मेहनत मजदुरी गरेर जसोतसो गुजारा गरेकै थियौं । ड्राइभर भएपछि सबै सजिलो हुन्छ भनेको थियो । उसैमाथि थियो हाम्रो आशा पनि ।

तर राति बासमाडी (मकवानपुर जिल्ला) मा छोराको बसमा बैद्यका कार्यकर्ताले बम (पेट्रोल बम) हानेको सुनियो । मेरो त होसै रहेन । त्यो गरीब खलासीलाई राजनीति गर्नेले मारे । जनताको सेवा गर्छौं भन्छन, गरीबका छोराछारी मार्छन् । बैद्य भनेका को हुन् मैले त चिन्दिन, तपाईले भेट्नु भयो भने सोधिदिनु मेरो छोरा मारेपछि उनले के पाए ? किन मारे मेरो छोरो ?”

आफूसँग पैसा नहुँदा काठमाडौंमा अस्पतालमा रहेको छोरोलाई भेट्न जान पनि सकिएन । भेट्न जाउँला भन्दा भन्दै ११ गते बिहान ऊ गैसकेको खबर आयो । मेरो छोरो मार्ने दुष्टहरुलाइ म बुढीको हाय लागोस् (मेरो पीडाले पोलोस) ।”
(यसपछि राधादेवी बोल्नै सकिनन् )

राकेशको मृत्युको खबर पाएपछि उनको घरमा जम्मा भएका छिमेकी ।

नेकपा–माओवादी नेतृत्वको मोर्चाले बन्दको आह्वान गरेका बेला २८ कात्तिक राति कलैयाबाट काठमाडौं जाँदै गरेको ना.४.ख.९८३६ नं.को यात्रुबाहक बसमा पेट्रोल बम प्रहार भएको थियो । बसका खलासी (सहचालक) कलैयाको घुसकुर–७ का १६ वर्षीय राकेश यादवको उपचारका क्रममा ११ मंसीर बिहान ११:३० बजे काठमाडौं महाराजगञ्जस्थित शिक्षण अस्पतालमा निधन भयो । उक्त पेट्रोलबम आक्रमणमा घाइते भएका बसका चालक घुसकुरकै भोला साह पनि गम्भीर अवस्थामा अस्पतालकै बेडमा छन् । बम आक्रमणबाट करिब १२ जना यात्रु पनि घाइते भएका थिए ।

म १४ मंसीर बिहान राकेशको घरमा पुग्दा छिमेकी महिलाहरुले घेरिएकी राकेशकी आमा ६० वर्षीया राधादेवी यादव रोइरहेकी थिइन् । छिमेकीहरुले सम्झाएपछि केही बेर थामिएकी उनीसँग कुरा शुरु गरेको केही छिनमै उनको रुवाई फेरि बढ्न थाल्यो । छेवैमा बसेका बाबु पनि आँखा टिलपिल पारिरहेका थिए ।

“बन्दका बेला राकेश आफै गाडीमा गएको होइन, सरकारले जिम्मा लिन्छौं, सुरक्ष दिन्छौं भनेको थियो,” राकेशका ६५ बर्षीय बाबु रामअयोध्या यादव भन्छन्, “प्रहरीले घेरेकै बसमा पनि पापीहरुले बम हाने, न प्रहरीले रोक्न सक्यो न सरकारले कारवाही गर्न सक्यो । यहाँ त गरीबमाराहरुकै बोलबाला छ ।”

बसका चालक भोला साहका अनुसार राति बासमाढी नजिकै पुग्दा गुडिरहेको बसको अगाडिको विन्डस्क्रिनमा एक्कासी पेट्रोल बम आयो, उनी आत्तिएर ब्रेक लगाए तर लगत्तै बसको झ्याल र ड्राइभरको ढोकाबाट फेरि तीन–चार वटा पेट्रोल बम आए । त्यसपछि एकै पटक साहले आफूलाई अस्पतालको बेडमा पाए ।

सरकारले राकेशको परिवारलाई अहिलेसम्म किरिया खर्च भन्दै २५ हजार रुपैयाँ दिएको छ । तर, सरकारले तोकेको क्षपिूर्तिकालागि मृतकका आफन्तले ११ मंसीरमा प्रहरी बृत महाराजगंज काठमाण्डौंमा जाहेरी दिएपनि अहिले सम्म कुनै सुनुवाइ नभएको मृतकका आफन्त मुकेशकुमार यादव बताउँछन् ।


 
Posted on 12-01-13 2:39 AM     [Snapshot: 509]     Reply [Subscribe]
Login in to Rate this Post:     0       ?    
 

she is right why don't they go and hurt other criminals and thugs and corrupted officials rather than killing poor people trying to survive
Last edited: 01-Dec-13 07:43 AM

 


Please Log in! to be able to reply! If you don't have a login, please register here.

YOU CAN ALSO



IN ORDER TO POST!




Within last 30 days
Recommended Popular Threads Controvertial Threads
What are your first memories of when Nepal Television Began?
nrn citizenship
काेराेना सङ्क्रमणबाट बच्न Immunity बढाउन के के खाने ?How to increase immunity against COVID - 19?
Travelling to Nepal - TPS AP- PASSPORT
TPS Work Permit/How long your took?
मन भित्र को पत्रै पत्र!
Informatica consultancy share
Travelling on TPS advance travel document to different country...
Are you ready to know the truth?
Thank you for the sajha policy
Nepali doctors future black or white usa ?
चितवनको होस्टलमा १३ वर्षीया शालिन पोखरेल झुण्डिएको अवस्था - बलात्कार पछि हत्याको शंका - होस्टेलहरु असुरक्षित
महँगो अण्डाको पिकल्प : कुखुरा र खोर भाडामा लिने
Does the 180 day auto extension apply for TPS?
TPS Renewal Reregistration
Why is every youths leaving Nepal? Why are not youths entering politics and serving the country, starting business etc?
Is money sent to support family tax deductible?
Send Parcels from USA to Nepal & Worldwide.
Another Song Playing In My Mind
हेर अमेरिकामा नेपालीहरुको बेज्जत
NOTE: The opinions here represent the opinions of the individual posters, and not of Sajha.com. It is not possible for sajha.com to monitor all the postings, since sajha.com merely seeks to provide a cyber location for discussing ideas and concerns related to Nepal and the Nepalis. Please send an email to admin@sajha.com using a valid email address if you want any posting to be considered for deletion. Your request will be handled on a one to one basis. Sajha.com is a service please don't abuse it. - Thanks.

Sajha.com Privacy Policy

Like us in Facebook!

↑ Back to Top
free counters