[Show all top banners]

mahoday
Replies to this thread:

More by mahoday
What people are reading
Subscribers
:: Subscribe
Back to: Current Affairs Refresh page to view new replies
 नेपाल अमेरिका पत्रकार संघको चौथो अधिवेशन सम्पन्न,नयाँ नेतृत्व चयन
[VIEWED 1143 TIMES]
SAVE! for ease of future access.
Posted on 05-07-14 8:12 PM     Reply [Subscribe]
Login in to Rate this Post:     0       ?    
 

नेपाल अमेरिका पत्रकार संघको चौथो अधिवेशन सम्पन्न,नयाँ नेतृत्व चयन

न्यूयोर्क,अमेरिका, मे ६ | उत्तर अमेरिकामा छरिएर रहेका नेपाली मूलका प्रवासी पत्रकारहरुको छाता संगठन यस नेपाल अमेरिका पत्रकार संघ (नेजा) को चौथो अधिवेशन नयाँ नेतृत्व चयनसहित सम्पन्न भएको छ | अन्तर्राष्ट्रिय प्रेस स्वतन्त्रता दिवसका अवसरमा यही मे २,३ र ४ तारिख टेक्सासको ह्युस्टन शहरमा नेजाको तीन दिने अधिवेशन भएको थियो | अधिवेशनले आगामी दूई वर्षका लागि संस्थाका निवर्तमान वरिष्ठ उपाध्यक्ष गौतम दाहाललाई अध्यक्षमा निर्वाचित गरेको छ | मे ३ तारिख शनिवार सम्पन्न निर्वाचनमा ४९ जना संचारकर्मी सदस्यहरुले मतदान गर्नुभएको थियो | जसमध्ये एक मत अध्यक्षका कुनै पनि उम्मेदवारलाई परेको थिएन भने बाँकी ४८ मध्ये दाहाल ३२ मत प्राप्त गरी अध्यक्षमा विजयी हुनु भयो | उहाँका प्रतिष्पर्धी प्रदीप थापाले १६ मत ल्याउनु भएको थियो | अधिकांश पदमा निर्विरोध नेतृत्व चयन भएता पनि अध्यक्ष र पश्चिम क्षेत्रीय संयोजकमा भने निर्वाचनमार्फत नेतृत्व चयन भएको थियो | जस अनुसार पश्चिम क्षेत्रीय संयोजकमा जाङ्ग्बु शेर्पा ३० मत ल्याई विजयी भए भने अर्का प्रतिष्पर्धी गोकुल ढकालले १९ मत प्राप्त गरे | नव निर्वाचित नेतृत्वमा उपाध्यक्ष शिव विष्ट र महासचिवमा भोला आचार्य रहनु भएको छ | यसैगरी सचिवमा सुदीप पन्त,कोषाध्यक्षमा बिटु केसी र क्षेत्रीय संयोजकहरुमा शेर्पाका अतिरिक्त विश्वराज थापा (डिसी मेट्रो),विकासराज न्यौपाने (मध्य क्षेत्र) र भुपेन्द्र थापा (पूर्वी क्षेत्र) रहनु भएको छ | १५ सदस्यीय कार्य समितिको कार्यकारी सदस्यहरुमा अग्निप्रसाद चौलागाँई, शैलेश पोखरेल, मधुकर अधिकारी, श्रीकृष्ण गौतम र तेम्वा दोंग्वा ह्योल्मो रहनु भएको छ |

निर्वाचित भए लगत्तै नेजाको निवर्तमान नेतृत्वले नव निर्वाचित नेतृत्वलाई पद तथा कार्यभार हस्तान्तरण गरेको थियो भने निर्वाचन समितिले खादा पहिराएर नवनिर्वाचित नेतृत्वलाई बधाई ज्ञापन गरेको थियो | सोही अवसरमा निवर्तमान अध्यक्ष आङछिरिङ शेर्पाले आफ्नो कार्यकालमा सहयोग गर्ने सबैलाई धन्यवाद दिंदै दाहाल नेतृत्वको नयाँ समितिलाई बधाई ज्ञापन गर्नु भएको थियो | अध्यक्षका प्रत्यासी प्रदीप थापाले पनि आफु पराजित भएता पनि निर्वाचित नेतृत्वलाई पूर्ण सहयोग गर्ने भन्दै बधाई ज्ञापन गर्नु भएको थियो | नव निर्वाचित अध्यक्ष दाहालले नेजाको हितमा समर्पित भएर जिम्मेवारी बहन गर्ने आफ्नो प्रतिवद्धता व्यक्त गर्नु भयो |

निर्वाचित भए लगत्तै बसेको नयाँ नेतृत्वको पहिलो बैठकले पत्रकार तारा बरालसहित संस्थाका संस्थापक अध्यक्ष गिरिश पोखरेल,पूर्व कार्यवाहक अध्यक्ष कृष्ण शर्मा र निवर्तमान अध्यक्ष आङछिरिङ शेर्पालाई संस्थाको सल्लाहकारमा मनोनयन गर्ने अध्यक्ष दाहालको प्रस्तावलाई अनुमोदन गरेको छ | यसैगरी क्यानाडाको क्षेत्रीय संयोजकमा गोविन्दसिंह रावत (पीएचडी) लाई मनोनयन गर्ने निर्णय पनि पारित गरेको छ | पहिलो बैठकले अधिवेशन सफल बनाउन हरतरहले सहयोग गर्ने ह्युस्टनको नेपाली समुदाय र व्यवसायीहरु,संयोजक बिटु केसी र सल्लाहकार तारा बराल एवम अधिवेशनमा सहभागी सबै पत्रकार सदस्य, निवर्तमान कार्य समिति,निर्वाचन समितिलगायत सबैलाई धन्यवाद ज्ञापनको प्रस्ताव पनि पारित गरेको छ |

यस अघि अधिवेशनको पहिलो दिन मे २ तारिख शुक्रवार सहभागी सदस्यहरुका बीच भेटघाट,परिचय आदानप्रदान र रात्रीभोज सम्पन्न भएको थियो | सहभागी सदस्यहरुले अधिवेशनका बारे अनौपचारिक छलफल समेत गरेका थिए | सोही साँझ नै नेजा कार्य समिति र निर्वाचन समितिको संयुक्त बैठक समेत सम्पन्न भएको थियो | बैठकमा निर्वाचन प्रक्रिया र अधिवेशन उद्घाटनको कार्यक्रमका बारे छलफल भएको थियो |

यसैगरी अधिवेशनको दोश्रो दिन शनिवार मध्यान्ह पन्चकन्याले संस्थाको चौथो अधिवेशनको पानसमा बत्ती बाली उद्घाटन गरेका थिए | नेजाका अध्यक्ष आङछिरिङ शेर्पाको सभापतित्वमा अधिवेशनको उद्घाटन सत्र सम्पन्न भएको थियो | महासचिव किशोर पन्थीले संचालन गरेको उद्घाटन सत्रमा सहभागी अतिथि,आमन्त्रित पाहुना एवं प्रतिनिधि सदस्यहरुलाई चौथो अधिवेशन आयोजक समितिकी संयोजक एवं यस संस्थाकी क्षेत्रीय उपाध्यक्ष बिटु केसीले स्वागत गर्नु भएको थियो | उद्घाटन सत्रमा एनआरएन अमेरिकाका अन्तरिम अध्यक्ष शिवकुमार राई,अमेरिका नेपाल व्यवसायी संघका वरिष्ठ उपाध्यक्ष सानुबावु सिलवाल,नेपलिज एशोसियसन अफ ह्युस्टनका अध्यक्ष मधुकर अमात्य,नेजाका संस्थापक अध्यक्ष एवं सल्लाहकार गिरिश पोखरेल र सल्लाहकार तारा बरालले अधिवेशन सफलताको शुभकामना सहित मन्तव्य व्यक्त गर्नु भएको थियो | सोही अवसरमा अध्यक्ष आङछिरिङ शेर्पाले यस संस्थाका संस्थापक अध्यक्ष गिरिश पोखरेललाई सम्मान पत्रसहित खादा ओढाएर सम्मान गर्नुभयो | कवि विप्लव प्रतिक र नेजाका सदस्य कविन्द्र सिटौलाले कविता वाचन समेत गर्नु भएको उद्घाटन सत्रमा क्यानाडाबाट प्रतिनिधित्व गर्नुहुने पत्रकार गोविन्दसिंह रावत (पीएचडी) ले पनि मन्तव्य व्यक्त गर्नु भएको थियो | सोही अवसरमा यस संस्थाका वरिष्ठ उपाध्यक्ष गौतम दाहालले प्रधानमन्त्री सुशील कोइरालाको अधिवेशन सफलताको कामनासहितको शुभकामना संदेश पढेर सुनाउनु भएको थियो | दाहालले नेजाले प्रत्येक दुई वर्षमा प्रदान गर्दै आइरहेको नेजा बद्री-कूल ग्रामीण पत्रकारिता पुरस्कारका बारे संक्षिप्त जानकारीसहित यस वर्षको सोही पुरस्कार नेजाले पत्रकार कलेन्द्र सेंजुवाललाई प्रदान गरेको र सो पुरस्कार शनिवार नै नेपाल पत्रकार महासंघको अधिवेशन उद्घाटन समारोहमा प्रधानमन्त्री सुशील कोइरालाले राजधानीमा आयोजित कार्यक्रममा पत्रकार सेंजुवाललाई प्रदान गरेको जानकारी गराउनु भएको थियो | नेजाका पूर्व क्षेत्रीय उपाध्यक्ष शेखर ढुंगेलले आफ्ना आमाबुवाको नाममा चार वर्ष अघि स्थापना गर्नुभएको यो पुरस्कारको राशी एक लाख एघार हजार एक सय एघार रुपैयाँ रहेको छ |

नेजाको वार्षिक प्रकाशन 'प्रयास' का संयोजक समेत रहनु भएका वरिष्ठ उपाध्यक्ष दाहालले सोही प्रकाशनका बारे पनि जानकारी दिनुभएको थियो | उद्घाटन सत्रमा सल्लाहकारद्वय तारा बराल र गिरिश पोखरेलले 'प्रयास' को विमोचन समेत गर्नु भएको थियो | यसैगरी सल्लाहकार बरालले अधिवेशन सफल बनाउन आ आफ्नो तर्फबाट सहयोग गर्ने ह्युस्टनवासी नेपाली समुदाय र व्यापार व्यवसायीहरुलाई धन्यवाद दिनुभएको थियो भने त्यस्ता सबै सहयोगीलाई कदर पत्र प्रदान गरिएको थियो |

उद्घाटन सत्रको समापनपछि अधिवेशनको बन्द सत्र र निर्वाचन प्रक्रिया सुरु भएको थियो | निर्वाचनलाई विधिसम्मत ढंगले सम्पन्न गर्नका लागि नेजाले सल्लाहकार तारा बरालको संयोजकत्वमा अमृता लम्साल,गुणराज लुइँटेल,सुरेशचन्द्र पोखरेल र विष्णु पौडेल सदस्य रहेको निर्वाचन समिति गठन गरेको थियो | अध्यक्ष आङछिरिङ शेर्पाको सभापतित्वमा सम्पन्न अधिवेशनको बन्द सत्रमा सांगठनिक विषयमा सहभागी सदस्यहरुले छलफल गरेका थिए | साथै संस्थाको विधानका बारे पनि बन्द सत्रमा छलफल भएको थियो | सहभागी सदस्यहरुले दिएको सुझाव र बन्द सत्रले पारित गरेका संशोधनका बुँदाहरुलाई समेटेर संस्थाको नयाँ नेतृत्वले विधानलाई अन्तिम रुप दिने निर्णय भएको छ | नेजाको विधिवत स्थापना सन् २००७ मा भर्जिनियामा सम्पन्न पहिलो अधिवेशनसंगै भएको हो |
 
Posted on 05-07-14 8:28 PM     [Snapshot: 6]     Reply [Subscribe]
Login in to Rate this Post:     0       ?    
 

We have organization for every single thing. How many Nepali journalists are here actively working in US?

Let's start an organization of everybody who will be posting a response to this thread. I am running for president, if you vote for me I will give you an executive position.
 


Please Log in! to be able to reply! If you don't have a login, please register here.

YOU CAN ALSO



IN ORDER TO POST!




Within last 200 days
Recommended Popular Threads Controvertial Threads
TPS Re-registration
What are your first memories of when Nepal Television Began?
निगुरो थाहा छ ??
ChatSansar.com Naya Nepal Chat
Basnet or Basnyat ??
Sajha has turned into MAGATs nest
NRN card pros and cons?
Do nepalese really need TPS?
कता जादै छ नेपाली समाज ??
susta manasthiti lai ke bhanchan english ma?
Nas and The Bokas: Coming to a Night Club near you
Will MAGA really start shooting people?
Democrats are so sure Trump will win
मन भित्र को पत्रै पत्र!
Top 10 Anti-vaxxers Who Got Owned by COVID
I regret not marrying a girl at least for green card. do you think TPS will remain for a long time?
TPS Work Permit/How long your took?
काेराेना सङ्क्रमणबाट बच्न Immunity बढाउन के के खाने ?How to increase immunity against COVID - 19?
Breathe in. Breathe out.
3 most corrupt politicians in the world
Nas and The Bokas: Coming to a Night Club near you
Mr. Dipak Gyawali-ji Talk is Cheap. US sends $ 200 million to Nepal every year.
Harvard Nepali Students Association Blame Israel for hamas terrorist attacks
TPS Update : Jajarkot earthquake
NOTE: The opinions here represent the opinions of the individual posters, and not of Sajha.com. It is not possible for sajha.com to monitor all the postings, since sajha.com merely seeks to provide a cyber location for discussing ideas and concerns related to Nepal and the Nepalis. Please send an email to admin@sajha.com using a valid email address if you want any posting to be considered for deletion. Your request will be handled on a one to one basis. Sajha.com is a service please don't abuse it. - Thanks.

Sajha.com Privacy Policy

Like us in Facebook!

↑ Back to Top
free counters