[Show all top banners]

metta
Replies to this thread:

More by metta
What people are reading
Subscribers
:: Subscribe
Back to: Kurakani General Refresh page to view new replies
 लुटेर/मारेर खाने अधिकार
[VIEWED 7342 TIMES]
SAVE! for ease of future access.
Posted on 06-19-16 9:38 AM     Reply [Subscribe]
Login in to Rate this Post:     0       ?    
 

नक्कली सिलिन्डर बेचेका घिमिरे ग्यास व्यवसायीको आन्दोलनको नेतृत्व गर्दै
कमसल सिलिन्डर बिक्रीको बचाउ गर्दै भोलिबाट ग्यास आपूर्ति रोक्ने चेतावनी

मंगलबजारको ग्यास सिलिन्डर विस्फोटन घटनामा सरकारले एचपी ग्यास उद्योगको कारोबार रोक्का राख्ने निर्णय गर्यो। सर्वसाधारणको ज्यानै गएको यस्तो संवेदनशील घटनामा पनि ग्यास व्यवसायीहरू भने दबाबपूर्ण ढंगमा कारबाही रोकाउने प्रयासबाट पछि हटेनन्।

ग्यास व्यवसायीको संगठन एलपी ग्यास उद्योग संघले पाँचदिने अल्टिमेटमसहित आपूर्ति ठप्प पार्ने धम्की दिएको छ, जसको अन्तिम दिन आइतबार हो। संघको माग पूरा नभए सरकारी कारबाहीमा परेको एउटा उद्योगलाई उन्मुक्ति दिलाउने नाममा समग्र उपभोक्तालाई अभाव झेल्न बाध्य पारिनेछ।

आपूर्ति अवरुद्ध पार्दै ‘जायज–नाजायज’ माग मनाउने प्रवृत्ति लामो समयदेखि व्यावसायिक क्षेत्रमा देखिँदै आएको हो। पेट्रोलियम र ग्यासमा यो प्रवृत्ति अझ बलियो छ। यसपालि पनि सरकारी कारबाहीमा अंकुश लगाउन नसके धेरै उद्योग तानिने डरले संघ अत्तालिएको छ।

मंगलबजारको दुर्घटनामा सिलिन्डरको मोटाइ पातलो हुनु मुख्य कारण रहेको गुणस्तर तथा नापतौल विभागको प्रारम्भिक अनुसन्धानले देखाएको छ। विभागका एक अधिकारीका अनुसार सिलिन्डरको मोटाइ २.९ एमएम हुनपर्नेमा आधाभन्दा कम पाइएको छ। यही आधारमा मंगलबजारका स्थानीय कारबाही माग गर्दै विरोधमा ओर्लिएपछि आपूर्ति मन्त्रालयले ‘पूर्ण अनुसन्धान प्रतिवेदन नआउँदासम्म’ एचपी ग्यासको आपूर्ति रोक्का गर्ने निर्णय गरेको हो।

एचपी मात्र होइन, गुणस्तर मापदण्ड पूरा गर्ने मामिलामा धेरै ग्यास उद्योग कमजोर रहेको आयल निगमकै अनुसन्धानबाट देखिँदै आएको छ। संघका अध्यक्ष शिवप्रसाद घिमिरेको सुगम ग्यास नै सबभन्दा ‘विवादित’ छ। सिलिन्डर विस्फोटनको घटनामा समेत मुछिएको उद्योग हो यो। सुगमको ग्यास सिलिन्डर पड्केर हालै कालिमाटीमा एक जनाको ज्यान गएको थियो। एक जनाको अझै कीर्तिपुर मोडल अस्पतालमा उपचार भइरहेकै छ।

एचपी र सुगमको घटना उस्तै भए पनि सरकारले एउटालाई मात्र कारबाही गर्यो। यसपालि ‘भनसुन’ गरेर जोगिए पनि भोलि यही घटनामा कारबाही पर्नसक्ने डरले घिमिरे अल्टिमेटमसहित विरोधमा ओर्लिएको ग्यास व्यवसायीकै भनाइ छ।

घिमिरे आफैं ‘विवादित’

 पेट्रोलियम व्यवसायमा घिमिरे आफैं ‘विवादित’ व्यक्ति हुन्।

यसअघि २०६८ सालमा विभिन्न कम्पनीका हजारौं थान ग्यास सिलिन्डर अवैध रूपले राखेको भन्दै घिमिरे कारबाहीमा परेका थिए। पेट्रोलियम डिलर्स एसोसिएसनका पूर्व अध्यक्षसमेत रहेका घिमिरेले अर्काको सिलिन्डर चोरेर पिँध काटी सुगम ग्यासको लेबल टाँसेर बेच्ने गरेको फेला परेको थियो।

छानबिन क्रममा सुनसरी, खनार–६ स्थित नेपा पेट्रोलियम ट्रेड लिंक्समा छापा मार्दा १५ हजार ३ सय ३४ थान विभिन्न कम्पनीका सिलिन्डर पिँध काटेको अवस्थामा बरामद भएका थिए।

पिँध काटिएका सिलिन्डर प्रयोग गर्नु जोखिमपूर्ण हुन्छ। ग्यास बाल्दाबाल्दै तापक्रम बढ्दा चुहिएर विस्फोट हुनसक्छ। यस्तो सिलिन्डरलाई ‘ग्यास बम’ नै भनिन्छ। ग्यास उद्योगले भने नयाँ सिलिन्डरको पैसा जोगाउन अर्काको चोरेर त्यसमा आफ्नो पिँध र घाँटी जोड्ने गर्छन्।

नेपालमा त्यति ठूलो संख्यामा ग्यास सिलिन्डरको अवैध कारोबार भेटिएको त्यो सम्भवतः पहिलो घटना थियो।

यही विषयलाई लिएर घिमिरेमाथि सम्पत्ति शुद्धीकरण विभागमा मुद्दा दर्ता भएको थियो। त्यो मुद्दा बिनानिर्णय सामसुम पारिएको छ। फुटरिङकै घटनामा पनि धादिङ र सुनसरीमा मुद्दा दर्ता भएको थियो।

यतिमात्र होइन, भारतीय नाकाबन्दी बेला आपूर्ति मन्त्री गणेशमान पुनले धादिङका ग्यास उद्योग अनुगमन गर्दा ‘सुगम ग्यासले आवश्यक सुरक्षा मापदण्ड नअपनाएको’ भन्दै चेतावनी दिएका थिए।

घिमिरे डिलर्स एसोसिएसनका अध्यक्ष हुँदा २०६० सालमा मट्टीतेलका पम्प विस्थापन गरिएको थियो। यसबाट पम्प सञ्चालकलाई आर्थिक नोक्सान परेको भन्दै उनले क्षतिपूर्तिका नाममा निगमको ४ करोड ८० लाख रुपैयाँ बाँड्ने दाउ गरेको आरोप छ।

यसरी उपभोक्ताको जीउज्यानसँग खेलवाड गर्नेसम्मको लापरबाहीमा संलग्न भनी कारबाहीमा परेका ‘विवादित’ अध्यक्ष घिमिरे नै अहिले संघको आडमा कारबाहीमा परेको अर्को उद्योगको समर्थनमा आन्दोलनको नेतृत्व गर्दैछन्।

गुणस्तर विभागको अनुसन्धान प्रतिवेदन बाहिर आउनासाथ एचपीसँगै घिमिरेको सुगम ग्यास पनि कारबाहीमा पर्ने हुँदा त्यही डरले उनले यो अभियान थालेको ग्यास उद्योगीहरूकै आरोप छ।

‘सरकारले एचपी ग्यासको आपूर्ति सधैंका लागि रोक्का गरेको होइन, यो कारबाही अनुसन्धान अवधिका लागि मात्र हो,’ एक ग्यास उद्योगीले भने, ‘तर, त्यसकै बचाउका निम्ति ५० वटाभन्दा बढी ग्यास उद्योगको छवि बदनाम पार्ने गरी विरोध कार्यक्रम घोषणा गर्नु गलत हो।’

उपभोक्ता हित संरक्षण मञ्चका अध्यक्ष प्रेमलाल महर्जन ग्यास आपूर्ति ठप्प पार्ने चेतावनीलाई घिमिरेको दादागिरी र गैरकानुनी अभिव्यक्तिका रूपमा लिन्छन्। घिमिरेले आफ्नो गल्ती लुकाउन यस्तो चेतावनी दिएको उनको भनाइ छ।

संघका अध्यक्ष तथा सुगम ग्यासका सञ्चालक घिमिरेले भने सत्यतथ्य नआउँदै कुनै पनि उद्योगलाई दोषी ठहर गर्नु अन्याय भएको बताए। ‘यो भनेको त उद्योगमा तालाबन्दी गरेजस्तै हो,’ सोमबारबाट सुरु हुने हड्तालबारे प्रतिक्रिया दिँदै घिमिरेले सेतोपाटीसँग भने, ‘हामी यस्तो अन्यायमा चुप रहने छैनौं। यसको सम्पूर्ण जिम्मा सरकारले नै लिनुपर्छ।’

उपभोक्ताको असावधानीले पनि ग्यास सिलिन्डर पड्कन सक्ने गुञ्जायस हुँदाहुँदै एकोहोरो उद्योगलाई मात्र दोषी ठहर गराउने प्रयास भइरहेकोमा उनले आपत्ति जनाए।

एचपीको जस्तै घटनामा मुछिएको सुगमको आपूर्ति किन रोक्का नगरिएको भन्ने प्रश्नमा घिमिरेले भने, ‘सुगमको कुरै छाडौं, म त एचपीको पनि बन्द गर्नुपर्दैन भन्छु, यो आन्दोलनको कारण त्यही हो।’

‘सरकार पछि हट्दैन’

आपूर्ति सचिव श्रीधर सापकोटा सरकारले उपभोक्ता सुरक्षाका लागि यो कदम उठाएकाले व्यवसायीको हड्तालको दबाबमा पछि नहट्ने बताउँछन्।

‘उपभोक्ताको जीउज्यानमा असर पर्ने क्रियाकलाप हुँदा पनि सरकार मूकदर्शक भएर बस्ने कुरा आउँदैन,’ उनले भने, ‘यो पहिलो चरणको कारबाही हो, छानबिन भइरहेको छ, सत्यतथ्य बाहिर आएपछि दोस्रो चरणको कारबाही हुनेछ।’ यसका लागि आपूर्ति व्यवस्थापन तथा उपभोक्ता हित संरक्षण विभागका सदस्य लक्ष्मण श्रेष्ठको संयोजकत्वमा छानबिन समिति गठन गरिएको छ।

‘कसैको चेतावनी आउँदैमा सरकार डराएर छानबिन रोकेर आफ्नो निर्देशन फिर्ता गर्ने पक्षमा छैन,’ आपूर्ति सचिव सापकोटाले भने। गुणस्तर तथा नापतौल विभाग प्रमुखलाई समेत सिलिन्डरको मापदण्ड आगामी बैठकमा पेस गर्न निर्देशन दिएको उनले बताए।

आयल निगमका प्रवक्ता मुकुन्द घिमिरेले सरकारको निर्देशन आएपछि एचपी ग्यासको आपूर्ति रोक्का गरिएको जानकारी दिए। उनका अनुसार निगमबाट पहिल्यै लिइसकेको खरिद इजाजत (पिडिओ) भने कायम रहनेछ। ‘यो निर्णय नयाँ पिडिओका हकमा मात्र लागू हुनेछ,’ उनले भने, ‘बजारमा गइसकेका सिलिन्डर बिक्री पनि रोक्का हुँदैन।’


 
Posted on 06-19-16 9:41 AM     [Snapshot: 1]     Reply [Subscribe]
Login in to Rate this Post:     0       ?    
 

चिकित्सक पक्राउको विरोध

चिकित्सकहरुले नेपाल प्रहरीको केन्द्रीय अनुसन्धान ब्युरो (सीआइबी)ले देशका विभिन्न स्थानबाट प्रमाणपत्र नक्कली भएको आशंकामा चिकित्सकहरुलाई पक्राउ गरेको विरोधमा आन्दोलनका कार्यक्रम ल्याउन नेपाल चिकित्सक संघलाई दवाब दिएका छन्।

चिकित्सकहरुले शनिबार नेपाल चिकित्सक संघको कार्यालयमा पुगेर चिकित्सकहरुको पक्राउ पेशामाथिको आक्रमण भएको भन्दै  तत्काल आन्दोलनका कार्यक्रम ल्याउन संघको नेतृत्वलाई दवाब दिएका हुन्। सीआइबीले देशभरबाट ३६ जना चिकित्सकलाई नक्कली प्रमाणपत्रको आशंकामा पक्राउ गरेको थियो। चिकित्सकहरुले कुनै चिकित्सकले गल्ती कमजोरी गरे छानविन गर्ने र कारवाही गर्ने अधिकार नेपाल मेडिकल काउन्सिललाई मात्र भएको भन्दै प्रहरीले क्षेत्राधिकार बाहिर गएर पक्राउ गरेकाले संघ चुप लागेर बस्न नहुने बताए। उनीहरुले नक्कली प्रमाणपत्रको आशंकामा चिकित्सकहरु पक्राउ पर्नुको जिम्मेवारी काउन्सिलले लिनुपर्ने पनि बताए।

खासगरी युवा पुस्ताका चिकित्सकहरुले आन्दोलनका कार्यक्रम ल्याउन दवाब दिएपनि संघले भने यस विषयमा प्रहरी महानिरीक्षक र अन्य सरोकारवाला निकायसँग छलफल गरेर मात्र निर्णय लिने बताएको छ। संघका अध्यक्ष डा. अञ्जनीकुमार झाले संघ नक्कली प्रमाणपत्र पेश गरेर चिकित्सक बन्नेहरुलाई जोगाउने पक्षमा उभिन नसक्ने बताए। उनले प्रहरीले आशंकाका आधारमा चिकित्सकहरुलाई पक्राउ गरेकाप्रति भने आपत्ति जनाए।

संघले चिकित्सकहरुसँगको छलफलपछि शनिबार नै प्रेस विज्ञप्ति जारी गरेर कानूनी प्रक्रिया हुँदाहुँदै कार्यक्षेत्रबाटै चिकित्सकहरुलाई हत्कडी लगाएर गिरफ्तार गरिनुले चिकित्सा पेशाको मानमर्दन भएको भन्दै कारवाहीको नाममा अमानवीय व्यवहार प्रदर्शन नगर्न सरकारसँग माग गरेको छ ।



http://setopati.com/samaj/48484/
 
Posted on 06-19-16 9:46 AM     [Snapshot: 15]     Reply [Subscribe]
Login in to Rate this Post:     0       ?    
 

‘क्वाक अप्रेसन’मा नक्कली डाक्टर 
 
ब्युरोका अनुसार नक्कली आईएस्सी सर्टिफिकेट लिएर एमबीबीएस पढिसकेका विद्यार्थी चिकित्सा सेवाको लाइसेन्स लिन नेपाल मेडिकल काउन्सिल पुग्थे। काउन्सिलमा एउटाको नाममा अर्कैले जाँच पनि दिन्थे। 
 
नक्कली प्रमाणपत्र बोकेर चिकित्सा सेवा गरिरहेको यो रहस्य प्रहरीले काउन्सिलका अधिकारीबाटै थाहा पाएको हो। 

हामीले अनुसन्धान गरी पर्याप्त प्रमाण जुटाएर पक्राउ गरेका छौं,’ सिलवालले भने, ‘पहिले प्रमाण जुटाएर पक्राउ गर्यौं, हाम्रो कामकारबाहीमा चिकित्सक संघले शंका गर्नु बेकार छ।’  

नेपालमा धेरै नै यस्ता डाक्टर रहेको ब्युरोले दाबी गरेको छ। ‘अभियान सुरू भयो, यसमा कति छन् कति,’ सिलवालले भने। 
 
ब्युरोले यसअघि नक्कली प्रमाणपत्रधारी पाइलट समात्ने अभियान चलाएको थियो। उक्त अभियान चलाएपछि नक्कली प्रमाणपत्रधारी कतिपय पाइलट पेशा छोडेर भागेका छन्। 
 

‘क्वाक अप्रेसन’ले खोल्यो पति-पत्नीको छल

http://setopati.com/samaj/48504/

 
Posted on 06-19-16 2:33 PM     [Snapshot: 133]     Reply [Subscribe]
Login in to Rate this Post:     0       ?    
 

I personally know few people who failed ISc from Nepal, and brought certificate from Bihar. They have very high paying job (non-medicine field) here in USA. Some work in INGOs in Nepal, and have high status in society.
 
Posted on 06-19-16 3:23 PM     [Snapshot: 183]     Reply [Subscribe]
Login in to Rate this Post:     0       ?    
 

ani po neta haru kina bidesh janchan health check up ko laagi bhaneko ta,
daaka haru lai ramrai sanga thaha racha kyara..sab nakkali doctor bhanera..
 
Posted on 06-19-16 3:25 PM     [Snapshot: 178]     Reply [Subscribe]
Login in to Rate this Post:     0       ?    
 

when I was doing I.SC, I knew this guy who had passed I.SC with third division, at that time third division was not even able to apply for MBBS entrance exam in neither government quota nor private college, 3 years later I happened to meet him somewhere in the street of kathmandu and he told me he is doing MBBS at Manipal Pokhara, I don't know how he got there I only know he is very close relative of one of top Leader of Nepali Congress.
 
Posted on 06-19-16 5:04 PM     [Snapshot: 246]     Reply [Subscribe]
Login in to Rate this Post:     0       ?    
 

बन्दुक देखाएर गोलि पड्काएर बिसौ हजार मारे पछि माबोबादी सत्तामा पुग्न गएको कुरा कसले बिर्सिएको छ |
"जिस्का लाठि उसका भैस" ले काम गर्दै छ |
शक्ति प्रदर्सनले गलतलाई ठिक र ठिक लाइ बेठिक बानाउने नया सस्कार र राजनीति मौलाउदै गएको छ |
 
Posted on 06-20-16 5:25 PM     [Snapshot: 455]     Reply [Subscribe]
Login in to Rate this Post:     0       ?    
 

नक्कली डाक्टर पक्षमा वीरगञ्जमा जुलुस, स्वास्थ्य संस्था ठप्प ! 

वीरगञ्ज– केन्द्रीय अनुसन्धान ब्युरोले नक्कली डाक्टर पक्राउ गरेको विरुद्धमा वीरगञ्जमा जुलुस निस्किएको छ भने निजी तथा सरकारी स्वास्थ्य संस्था ठप्प पारिएको छ । नेपाल चिकित्सक सङ्घ वीरगञ्जको आह्वानमा निस्किएको बिरोध जुलुस वीरगन्जको नगर परिक्रममा गरि जिल्ला प्रशासन कार्यालय पर्सामा पुगेको थियो र प्रमुख जिल्ला अधिकारी केशबराज घिमरेलाई चिकित्सक सङ्घ वीरगञ्जका उपाध्यक्ष डा प्रमोद सर्राफले ज्ञापनपत्र समेत बुझाएका छन् । पक्राउ परेका डाक्टरहरूको अविलम्ब रिहाई नभए २४ घण्टाभित्र वीरगञ्जक सरकारी तथा निजी अस्पतालहरुको आकस्मिक सेवासमेत बन्द गरिने ज्ञापनपत्रमा उल्लेख छ । वीरगञ्जबाट ९ जना चिकित्सक पक्राउ परेका छन् ।

birganj 3birganj 4birganj 5birganj 6birganj 8birganj 9birganj 10birganj 12 birganja 2birganjabiurganj 7

http://swasthyakhabar.com/2016/06/51258.html




 


Please Log in! to be able to reply! If you don't have a login, please register here.

YOU CAN ALSO



IN ORDER TO POST!




Within last 90 days
Recommended Popular Threads Controvertial Threads
TPS Re-registration
What are your first memories of when Nepal Television Began?
निगुरो थाहा छ ??
Basnet or Basnyat ??
Sajha has turned into MAGATs nest
NRN card pros and cons?
Nas and The Bokas: Coming to a Night Club near you
Will MAGA really start shooting people?
Democrats are so sure Trump will win
मन भित्र को पत्रै पत्र!
Top 10 Anti-vaxxers Who Got Owned by COVID
काेराेना सङ्क्रमणबाट बच्न Immunity बढाउन के के खाने ?How to increase immunity against COVID - 19?
TPS Work Permit/How long your took?
Breathe in. Breathe out.
3 most corrupt politicians in the world
Dementia Joe has been selected to become the next President
Trumpism project 2025 everyone should read https://www.project2025.org/
आज बाट तिहारको सेल सकियो
चितवनको होस्टलमा १३ वर्षीया शालिन पोखरेल झुण्डिएको अवस्था - बलात्कार पछि हत्याको शंका - होस्टेलहरु असुरक्षित
शीर्षक जे पनि हुन सक्छ।
Nas and The Bokas: Coming to a Night Club near you
NOTE: The opinions here represent the opinions of the individual posters, and not of Sajha.com. It is not possible for sajha.com to monitor all the postings, since sajha.com merely seeks to provide a cyber location for discussing ideas and concerns related to Nepal and the Nepalis. Please send an email to admin@sajha.com using a valid email address if you want any posting to be considered for deletion. Your request will be handled on a one to one basis. Sajha.com is a service please don't abuse it. - Thanks.

Sajha.com Privacy Policy

Like us in Facebook!

↑ Back to Top
free counters