[Show all top banners]

Samrat Singh Karki

More by Samrat Singh Karki
What people are reading
Subscribers
:: Subscribe
Back to: Kurakani General Refresh page to view new replies
  TRUMP हस्तान्तरण गर्दै नेपाली महा ठग
[VIEWED 1652 TIMES]
SAVE! for ease of future access.
Posted on 02-08-17 9:45 AM     Reply [Subscribe]
Login in to Rate this Post:     0       ?    
 

क्यापिटल मर्चेन्ट तथा फाइनान्स कम्पनी ठगीका मुख्य आरोपित तथा योजनाकार पवनकुमार कार्कीलाई नेपाल फिर्ता ल्याउने प्रहरीको प्रयास अन्तिम चरणमा पुगेको छ। प्रहरीको सर्वाधिक खोजीमा रहेका कम्पनीका तत्कालीन महाप्रबन्धक कार्कीलाई फिर्ता पठाउन अमेरिकाको संघीय प्रहरी सहमत भएको छ।

नेपाल प्रहरीको ‘रेड कर्नर नोटिस’ मा रहेका कार्कीलाई संघीय प्रहरी औपचारिक नभई अनौपचारिक रूपमा फिर्ता पठाउन सहमत भएको हो । राष्ट्रबैंकले कार्कीले करिब चार अर्ब रुपैयाँ रकम कम्पनी मातहत हिनामिना गरेको तथ्यसहित प्रतिवेदन तयार पारेर अनुसन्धानका लागि प्रहरीलाई बुझाएको छ ।

प्रहरी उच्च स्रोतका अनुसार अमेरिकाको खोजीमा रहेका केही व्यक्ति नेपालले दिने र नेपालले कार्कीलाई फिर्ता ल्याउने पहल अन्तिम चरणमा पुगेको छ । प्रहरीले यसअघि पनि अमेरिकाको संघीय प्रहरीसँग यस्तो ‘कारोबार’ गरिसकेकाले कार्की चाँडै नेपाल प्रहरीको हिरासतमा आउने स्रोतको दाबी छ ।

केही समयअघि काठमाडौंमा भएको इन्टरपोलको एसिया क्षेत्रीय सम्मेलनमा वित्तीय अपराधका विषयमा नेपालले कार्कीको विषय उठान गरेपछि नेपाल प्रहरी र अमेरिकी अधिकारीबीच अनौपचारिक रूपमा अपराधी साटासाटको ‘कारोबार’ ब्युँताउन सहमति भएको हो ।

प्रहरीको केन्द्रीय अनुसन्धान ब्युरोले अनुसन्धान गरिरहेको कम्पनीको ठगी प्रकरणमा संलग्न अधिकारी पक्राउ परे पनि घटनालगत्तै फरार रहेका कार्की अमेरिका पुगेका थिए । अनुसन्धानमा कार्की अमेरिकाको टेक्सासमा व्यवसाय सञ्चालन गरेर बसेको र उतैको नागरिकता लिएको खुलेको थियो ।

स्रोतका अनुसार प्रहरी र नेपालस्थित अमेरिकी दूतावासका अधिकारीबीच यस विषयमा धेरैपटक छलफल र पत्राचार भएको छ । कार्कीको अपराध गम्भीर भएको निचोडसहित कसुरको विवरण दूतावासमा पुगिसकेको छ । ‘पहिलोपटक होइन, केही समय रोकिएको अनौपचारिक सहयोग कार्कीलाई फिर्ता ल्याएसँगै सुचारु हुनेछ,’ स्रोतले भन्यो । नेपाल प्रहरीले अमेरिकालाई दिने व्यक्तिका विषयमा भने विवरण खुलेको छैन ।

ब्युरोको अनुसन्धानमा कार्कीले सीता खाँडसरी चिनी मिल, गौरीशंकर इन्भेस्टमेन्ट कम्पनी, विजेश्वरी आवास विकास कम्पनी, सुशोभन डेभलपर्स, उद्यम मल्टी इन्भेस्टमेन्ट एन्ड ट्रेडिङ कम्पनी, बूढा महांकाल खाद्य प्रोडक्ट, संयोग हाउजिङ एन्ड डेभलपर्स र मदनबहादुर खड्का, बलदेव खड्का र श्रीराम खत्रीलगायतलाई मिलेमतोमा ऋण प्रवाह गरेको खुलेको थियो ।

ब्युरोले सीता खाँडसरी चिनी मिलको परियोजनाका लागि कमसल जग्गा धितो राखी रकम निकाल्ने किरणकेशर नेपाललाई सोमबार पक्रेको छ । नेपालले परियोजनाका लागि काठमाडौं मन्डिखाटारस्थित आठ रोपनी जग्गाको अत्यधिक धितो मूल्यांकन गराई कागजी परियोजनाका लागि नौ करोड ऋण लिएका थिए।

ब्युरोका अनुसार पुनरावेदन अदालत पाटनले २०७१ वैशाख २९ मा तीन वर्ष कैद र करिब साढे नौ करोड रुपैयाँ जरिबाना फैसला गरेयता नेपाल फरार थिए । काठमाडौं जिल्ला अदालतको फैसला कार्यान्वयन आदेशले नेपाललाई कैद भुक्तानका लागि केन्द्रीय कारागार चलान गरिएको छ । फाइनान्स प्रकरणमा प्रतिवादी बनाइएका सात सय ४४ मध्ये नेपाल एक हुन् ।

ब्युरोे टोलीले कम्पनीलाई ठगी गर्ने अरुणकुमार मराठा (६ वर्ष कैद र १३ करोड ३० लाख जरिबाना) लाई २०७२ जेठ १४ मा पक्रेको थियो । यस्तै नवराज खत्री (तीन वर्ष कैद, ६ करोड ५० लाख जरिबाना) लाई सोही वर्ष जेठ १८ मा, तुलसाकुमारी धमला (तीन वर्र्ष कैद र दुई करोड २० लाख जरिबाना) लाई सोही वर्ष साउन १७ मा र भाइकृष्ण खड्का (तीन वर्ष कैद र तीन करोड ५० लाख जरिबाना) लाई सोही वर्ष भदौ २ मा पक्राउ गरी अदालतमा पेस गरेको थियो ।
TRUMP हस्तान्तरण गर्दै नेपाली महा ठग


 


Please Log in! to be able to reply! If you don't have a login, please register here.

YOU CAN ALSO



IN ORDER TO POST!




Within last 90 days
Recommended Popular Threads Controvertial Threads
डीभी परेन भने खुसि हुनु होस् ! अमेरिकामाधेरै का श्रीमती अर्कैसँग पोइला गएका छन् !
शीर्षक जे पनि हुन सक्छ।
What are your first memories of when Nepal Television Began?
Sajha Poll: नेपालका सबैभन्दा आकर्षक महिला को हुन्?
NRN card pros and cons?
Basnet or Basnyat ??
निगुरो थाहा छ ??
Nas and The Bokas: Coming to a Night Club near you
TPS Re-registration
अमेरिकामा छोरा हराएको सूचना
Breathe in. Breathe out.
Drawback for applying NRN card
nrn citizenship
Democrats are so sure Trump will win
My facebook archive (for sale)
Top 10 Anti-vaxxers Who Got Owned by COVID
Doctors dying suddenly or unexpectedly since the rollout of COVID-19 vaccines
ढ्याउ गर्दा दसैँको खसी गनाउच
Sajha has turned into MAGATs nest
Send Parcels from USA to Nepal & Worldwide.
Nas and The Bokas: Coming to a Night Club near you
NOTE: The opinions here represent the opinions of the individual posters, and not of Sajha.com. It is not possible for sajha.com to monitor all the postings, since sajha.com merely seeks to provide a cyber location for discussing ideas and concerns related to Nepal and the Nepalis. Please send an email to admin@sajha.com using a valid email address if you want any posting to be considered for deletion. Your request will be handled on a one to one basis. Sajha.com is a service please don't abuse it. - Thanks.

Sajha.com Privacy Policy

Like us in Facebook!

↑ Back to Top
free counters