[Show all top banners]

huippa

More by huippa
What people are reading
Subscribers
:: Subscribe
Back to: Politics Refresh page to view new replies
 जङ्गली रुप, उपनिवेश र संशोधनवादको खण्डन
[VIEWED 4403 TIMES]
SAVE! for ease of future access.
Posted on 02-16-18 1:26 AM     Reply [Subscribe]
Login in to Rate this Post:     0       ?    
 

यस वर्षको फागुन १ गते शिवरात्री, नेपाली सेनाको दिवस र माओवादी सशस्त्र द्वन्द्वको दिवस प¥यो । शिवरात्रीको दिन पशुपतिमा पुग्नेकोे घुइँचो हुन्थ्यो, भयो । शिवरात्रीको दिन पशुपतिमा तत्कालीन राजाहरू पुग्थे, गणतन्त्रमा राष्ट्रपति पुगिरहेका छन् । पशुपति पुग्नेहरूले बनकालीमा गाजा र नागाबाबा धन्दामात्र देखे । नेपालमा गाजा लागूपदार्थ भन्दै उत्पादन र बिक्रीमा प्रतिबन्ध लागेको ४० वर्ष भयो । बनकालीमा ‘नागाबाबा’हरूले ५०० देखि १००० ग्राम गाजा भारतबाट बोकेर एक खिल्ली चुरोटमा भरेको रु. १०० र एक चिलिमको रु.१५० मा बिक्री गरे । युवाहरू बनकालीमा गाजा बिक्री गरिरहेका ‘नागाबाबा’हरूकोे वरिपरि झुम्मिएका थिए र शिवको ‘प्रसाद’ र ‘नागाबाबा’को ‘बुटी’ भन्दै गाजा तान्दै थिए । कतिपय युवाले कागजको पोकामा गाजा किनी लगे । नेपालले बिक्रीमा प्रतिबन्ध गरेको गाजा शिवरात्रीको दिन खुलेआम बिक्री भयो तर नेपाल सरकारको सम्पूर्ण संयन्त्र प्रतिबन्धित गाजा बिक्री नदेख्याझैं बस्यो ।

‘नागाबाबा’ हरू पशुपति पुगेकाहरूको अगाडि नाङ्गै उभे । शरीर बेरेको कपडासमेत खोलेका ‘नागाबाबा’ हरू देखेपछि कतिपय मानिसहरू ‘नागाबाबा’ होइन जनावर नै भएको टिप्पणी गरे । असङ्ख्य मानिसको घुइँचो लाग्ने पशुपतिस्थानमा शिवरात्रीको दिन भारतबाट आएका एकथरीका मानिस ‘बाबा’ को नाममा नाङ्गै उभिनु मानिसको धर्म (कर्तव्य) विरुद्ध हो । राष्ट्रपति पुग्ने र सरकारी संयन्त्रका जिम्मेवार मानिसहरू औपचारिक र अनौपचारिक पुग्ने पशुपतिमा शिवरात्रीको दिन धर्मको नाममा नाङ्गै उभिने ‘नागाबाबा’ हरूलाई प्रतिबन्ध लगाउन नसके त्यस क्षेत्रमा राष्ट्रपतिको भ्रमण मानव सभ्यताभन्दा बाहिर नै ठहरिनेछ ।
नेपाली सेनाले आफ्नो दिवसको अवसरमा राष्ट्रपति, उपराष्ट्रपति, प्रधानमन्त्री र मन्त्रीहरूलाई निम्ता दिएर काठमाडौंको सैनिक मञ्च टँुडिखेलमा सैनिक गतिविधि प्रदर्शन गरी सम्पन्न ग¥यो । सेना दिवसमा यस वर्ष भारत र बेलायती सेनाको प्रदर्शनी पनि समावेश गरियो । यो नेपाली सेनामा भारतीय र बेलायती सेनाको छापको सिलसिला हो । यसले नेपाली सेना अझै बेलायती र भारतीय सेनाको उपनिवेशजस्तो देखिन्छ । यसकारण नेपाली सेनाले अगाडिका दिनमा संसारकै अन्य देशको सैनिक गतिविधिहरूको जानकारी लिनुपर्छ । चीनको सैनिक संयन्त्रलाई पनि बुझ्नु आवश्यक छ ।

प्रचण्ड, वैद्य, विप्लव नेतृत्वको माओवादीले अलग अलग माओवादी सशस्त्र द्वन्द्वको २३ औं वर्ष मनाए । प्रचण्डको माओवादीले पार्टी कार्यालयमा पेरिस डाडामा केक काटेर चियापानसहित सशस्त्र द्वन्द्व दिवस मनायो । प्रचण्डले दिवास्वप्नले क्रान्ति पूरा नहुने र जनताबाट भागेर क्रान्ति नहुने बताए । प्रचण्डको यो भनाइ वैद्य र विप्लवतिर थियो । वैद्यले प्रचण्डलाई ‘जनयुद्ध’ को घाँटी रेटेको आरोप लगाए । संविधान घोषणालगत्तै संविधानसभाबाट सरकार राजीनामा गरी अलग पार्टी खोलेका बाबुराम भट्टराईले फागुन १ गतेको कान्तिपुर दैनिकमा लेख लेखी ‘जनयुद्ध’ ठूलो यज्ञ भएको र राम्रा मनसाय हुँदाहुँदै गल्ती कमजोरी भएकोमा माफी मागे । सशस्त्र द्वन्द्वको बेलादेखि माओवादी नेताहरू भारतीय विस्तारवाद र एकाधिकार पूँजीको ‘ट्रोजन हर्स’ को रुपमा आएका छन् । झापा विद्रोहबाट उठेको माले र पछि एमाले २०४६ सालको परिवर्तनलाई पूँजीवादी सरकारको भागबण्डामा लागेजस्तै सशस्त्र द्वन्द्वको माओवादी शान्ति प्रक्रियासँगै २०६३ मा पूँजीवादी सरकारको भागबण्डामा लाग्यो ।
 


Please Log in! to be able to reply! If you don't have a login, please register here.

YOU CAN ALSO



IN ORDER TO POST!




Within last 7 days
Recommended Popular Threads Controvertial Threads
मन भित्र को पत्रै पत्र!
TPS Work Permit/How long your took?
Does the 180 day auto extension apply for TPS?
Travelling to Nepal - TPS AP- PASSPORT
NOTE: The opinions here represent the opinions of the individual posters, and not of Sajha.com. It is not possible for sajha.com to monitor all the postings, since sajha.com merely seeks to provide a cyber location for discussing ideas and concerns related to Nepal and the Nepalis. Please send an email to admin@sajha.com using a valid email address if you want any posting to be considered for deletion. Your request will be handled on a one to one basis. Sajha.com is a service please don't abuse it. - Thanks.

Sajha.com Privacy Policy

Like us in Facebook!

↑ Back to Top
free counters