[Show all top banners]

ktmpost

More by ktmpost
What people are reading
Subscribers
:: Subscribe
Back to: Kurakani General Refresh page to view new replies
 छोराछोरी पिटेर अमेरिकामा जेल नभोगौँ
[VIEWED 22248 TIMES]
SAVE! for ease of future access.
Posted on 05-02-18 6:19 AM     Reply [Subscribe]
Login in to Rate this Post:     0       ?    
 

छोराछोरी पिटेर अमेरिकामा जेल नभोगौँ

– रामचन्द्र भट्ट

हिमालय खबर | 1st May 2018, Tuesday | २०७५ बैशाख १८, मंगलवार १२:०९
‘छोराको पाखुरामा हानेको एक थप्पड मेरा निम्ति जीवनभरिकै सबैभन्दा महंगो र पीडादायक सावित भयो,’ एक मित्रले गत साता सुनाए । उनी सितिमिति कोहीसँग पनि खुलेर कुरा गर्दैनन् । सधैँभरि केही हराएजस्तो, केही गुमाएजस्तो उनको अनुहारले देखाउँथ्यो । 
 
‘के भयो र त्यस्तो ?’ मैले जिज्ञासा राखेँ । 
 
लामो सुस्केरा हाले उनले । निकै बेरपछि बोल्न सुरु गरे । ‘त्यो दिन बिहान बाबुलाई स्कुल पठाउने तयारी गर्दैथिए । उसलाई पिउनको लागि दुध ठिक पारेँ मैलै । स्कुलबस आउने बेला भैसकेको थियो । उसले दुध पिउन भन्दा मोबाइलफोनमा खेल्नतिर ध्यान दियो,’ उनी भन्दैगए–‘मलाई रिस उठ्यो । ‘छिटो दुध पिउ, बस आउने बेला भैसक्यो’ भन्दै पाखुरामा एक थप्पड हानेँ । उ रुँदै मैले पिटेको कुरा स्कुलमा भन्दिन्छु भन्दै दुध पियो ।’
 
आधा घण्टापछि अपार्टमेन्टको ढोकामा कसैले ढकढकायो । उनकी पत्नीले ढोका खोलिदिइन् । स्कुल गएको छोरा फर्केको रहेछ । ‘बाहिर सरहरु आउनुभएको छ, जानुस् अरे,’ छोराले भनिनसक्दै पुलिसहरु अपार्टमेन्टमा प्रवेश गरे । 
 
‘तिमीले छोरालाई कुटेछौ । अब हामीसँग हिड्’ भन्दै पुलिसले दुबै हात पछिल्तिर लगेर हतकडी लगाए । खुट्टामा समेत साङ्ग्लो बाँधे । 
 
‘यहाँको कानुन कति कडा रहेछ भन्ने कुरा बल्ल थाहा पाउँदैछु । मेरो छोराको कुरा पुरै सुनुवाई भयो । मैले दुध नखाएको हुनालेमात्र खेलाँची गरेर एक पटक बिस्तारै पिटेको हो भन्दा पनि उनीहरुले मलाई छाडेनन्,’ ती साथीले सुनाए ।
 
उनी एक साता जेल परे । छोराको मायाँले गर्दा हानेको एक थप्पडले उनलाई अमेरिकी जेलको नमिठो अनुभव भोग्न वाध्य गरायो । 
 
नेपालबाट आएको एक वर्षमात्र भएको थियो । भरखरै काम सुरु गरेका थिए । कसरी टिक्ने भन्नेमै समस्या भएको बेलामा जेल जानुपरेपछि कस्तो होला ? नत भाषानै राम्रोसँग बुझिन्छ ? नत कानुननै थाहा छ । 
 
नेपालमा बाउ–आमाले जसरी आपूmलाई हप्काई दप्काई गरेर र कुनैबेला काम बिगार्दा दुईचार थप्पड हानेर हुर्किएका मेरा ती साथीले सात बर्षिय छोरालाई हानेको एक थप्पड निकै महंगो पर्न गयो ।
 
जेलमा पुग्नुभन्दा पहिलेनै बच्चा लिनका लागि भनेर चाइल्ड केयर अफिसबाट मानिसहरु जम्मा भैसकेका रहेछन् । ‘बच्चालाई तिमीले राम्रो हेरविचार गरेका रहेनछौँ । बच्चालाई पिट्न पाइदैन । 
 
तिमीले बच्चालाई पिटेछौ, अब तिम्रो बच्चा हामी लैजान्छौँ,’ उनीहरुले भनेको कुरा अहिलेसम्म ती साथीको दिमागमा ताजै छ ।
 
आपूmबाट गल्ती भएको स्विकार गरे उनले । अबदेखि नपिट्ने भन्दै छोरालाई त फिर्ता पाए । 
 
जेल परेको कुरा एकजना आफन्त बाहेक कसैलाई थाहा भएन । अहिले पनि धेरैलाई उनी त्यसरी जेल परेका थिए भन्ने कुरा सहकर्मी, अरु नेपाली समुदायका धेरैलाई जानकारी छैन । 
 
‘मेरो बाबालाई ल्याइदे, नभए म पनि स्कुल आउँदिन’ भनेर छोराले स्कुलमा भनेपछिमात्र तेस्रो दिन उनी जेलबाट छुटे । तर महंगो धरौटीमा । 
 
दुईहजार पाँचसय डलर धरौटीमा उनी छुटे । तर हरेक महिना बालबालिकालाई कस्तो व्यबहार गर्नुपर्छ ? के के गर्नुपर्छ भन्ने बारेमा उनले क्लास लिनुपर्छ । ४५ मिनेटको त्यो क्लास लिन उनले काममा छुट्टी लिएर ४५ मिनेट ड्राइभिङ गरेर पुग्नुपर्छ । क्लास लिन नगएमा भने फेरि जेल जानुपर्छ । 
 
फेरि अर्को पटक छोरामाथि हात हालेमा नेपाल फर्काउने (डिपोर्टेशन) हुनेगरि उनलाई यसपटक अदालतले सफाइ दिएको छ । तर यो घटनाको पीडा उनले पाइला पाइलामा भोगिरहनुपर्नेछ । 
 
अमेरिकाको पश्चिमी राज्य नेभेडामा एक नेपाली पिएचडीका लागि आएका थिए । छोरीले चकचक गरेपछि उनले एक थप्पड गालामा हाने । तर त्यही थप्पड उनका लागि तीन दिन जेल बस्ने कारक बन्यो । 
 
पिएचडीको छात्रवृत्ति झण्डैझण्डै गुमेको अवस्था भयो । नेपाली समुदायको ठूलो प्रयासपछि उन त्यो संकटबाट मुक्त त भए । तर त्यो घटनाले गर्दा उनले अहिले पनि पाइला पाइलामा हैरानी भोगिरहनु परेको छ । तीन महिनासम्म छोरीलाई कस्तो व्यबहार गरिरहेको छ भनेर अरु मान्छे घरमा जाँच गर्न आउँथे । 
 
अमेरिकामा छोराछोरी हुर्काउन त्यति सहज छैन । जतिसुकै बदमासी गरेपनि सहनुको विकल्प हुँदैन बाबुआमासँग । त्यसैले त बदमासी नगरुन् भनेर पहिलेदेखिनै आफूसँग जहाँ पनि लैजाने, किनमेल गर्न, मानिससँग घुलमिल, व्यबहार गर्न सिकाउने गरिन्छ । 
 
तर नेपाली समुदायमा भने बाहिर निकाल्दा जाडो, गर्मीले बच्चा बिरामी हुन्छ भनेर लिएर हिँड्ने चलन छैन । जसले गर्दा सानैदेखि धेरै कुरा सिक्नबाट बंचित हुन्छन् । जब बाहिर निस्कन पाउँछन् अनि चकचके हुन्छन् ।
 
नेपाल जस्तै ठानेर भरखरै आएका बाउआमाले बच्चाले भनेको नमानेमा कुट्ने, लछारपछार गर्ने, गाली गर्ने गर्छन् । तर त्यसो गर्नु यहाँको कानुनको दृष्टिमा बच्चामाथिको हिंसा हो । अमेरिकी कानुनमा कुनैपनि हिंसा स्विकार्य छैन । 
 
यहाँ बालबालिकालाई स्कुलमा आपतकालिन अवस्था, कसैले दुव्र्यबहार गर्दा, कसैले कुट्दा ९११ मा कल गर्न सिकाइएको हुन्छ । घरमा परिवारका सदस्यहरुबाट समेत आफूमाथि दुव्र्यबहार भएमा त्यो नम्बरमा कल गर्न सिकाइन्छ । त्यसले गर्दा बालबालिकाहरुसँग व्यबहार गर्दा बडो संवेदनशील हुन जरुरी हुन्छ । आपूmले जन्माएको छोराछोरी त हुन् नि भन्दैमा कुटपिट, गाली गर्न पाइदैन ।
 
बालबालिकालाई कसरी व्यबहार गर्ने भन्ने कुरा नजान्दा नेपालीहरुले अनाहकमा दुख पाएका धेरै कथाव्यथासँग परिचित छन् नेपाली समाज टेक्ससका पूर्ब अध्यक्ष कृष्ण लामिछाने । ‘बालबालिकालाई प्याट्ट पिट्दा पनि घरमा पुलिसका आएका धेरै घटनाहरु छन् । कति त जेलमै पनि पुगेका छन्,’ उनले भने । हप्तेपिच्छे कोर्टमा हाजिर हुनेगरि छुटेर आएकाहरु पनि छन् । 
 
टेक्ससकै टएकजना नेपाली महिला आप्mनी छोरी बिग्रिइ भनेर सुधार्नका लागि गरेको व्यबहारले उनी लामो समय जेल बस्नुप¥यो । अभिभावकको अनुमति बेगरनै छोरी उसको साथीकोमा बसिछन् ।
 
 दुईदिन पछि आफ्नो अपार्टमेन्टमा आउँदा आमाले गाली गर्दै ‘तँ ..... कहाँ गएकी थिइस् ?’ भन्दै गाली गरेर लखेट्न थालिन् । उनले लखेटेकोमात्र भए त त्यति ठूलो विषय हुनेथिएन । तरकारी काट्दै गरेको अवस्थामा हातमा रहेको त्यही हतियार बोकेर लखेटेको हुँदा तत्काल पुलिस आएर पक्राउ गरे । केही समय जेल बसेर महंगो धरौटीमा उनी छुटिन् । 
 
अमेरिकामा १४ वर्षभन्दा कम उमेरका बालबालिकालाई एक्लै घरमा छोड्न पाइदैन । बालबालिकालाई हेरबिचार गर्ने मानिसको साथमा मात्र घरमा छोड्न पाइन्छ । १६ वर्षभन्दा माथिकालाई मात्र दिनमा छोड्न पाइन्छ । त्यो पनि रातको समयमा एक्लै छाड्न पाइदैन । 
 
बालबालिकालाई कुटपिट र यातना त झनै दण्डनीय कार्य हो अमेरिकी कानुन अनुसार । चाहे माया गरेर कुटिएकै होस् या सुधार्नका लागि । आफ्नै छोराछोरीले गल्ती गर्दा पनि दुईचार झापड हान्न नपाउनु ? भन्ने खालको सोचाई र व्यबहार अमेरिकामा राख्न पाइदैन । 
 
बालबालिकालाई यातना, दुव्र्यबहार गर्नेलाई कस्तो कारवाही हुने भन्ने विषयमा अमेरिकामा राज्यपिच्छेनै फरक फरक कानुनहरु छन् । सामान्यतया बालबालिकालाई यातना दिने, कुटपिट, अङ्गभङ्ग जस्ता कार्य गर्ने माथि कम्तिमा एक वर्षदेखि लिएर जन्मकैदसम्म हुने कानुनी व्यबस्था छ । जस्तो कि, टेक्ससमा बालबालिकालाई यातना दिने, कुट्नेलाई कम्तिमा ६ महिनादेखि लिएर ९९ वर्षसम्म कैद हुने कानुनी व्यबस्था छ । 
 
बालबालिकलाई गर्ने व्यबहारलाई अमेरिकाले असाध्यै महत्व दिएको छ । किनकी बालक अवस्थामा बच्चाहरुको ख्याल गरियो भने त्यसबाट स्वस्थ, निरोगी र सवल नागरिक पैदा हुन्छ । सवल नागरिकबाटै भोलीको सवल देश हुने हुनाले अमेरिकाले बालबालिकाका विषयमा असाध्यै संवेदनशीलता अपनाएको छ । 
 
स्कुलमा शिक्षक, शिक्षिकाहरुले पनि विद्यार्थीलाई कुट्ने, गाली गर्ने भन्ने कुरा कल्पनाभन्दा पनि बाहिरको विषय हो । विद्यार्थीहरुलाई मानसिक रुपमा पढ्नका लागि शिक्षकहरुले दवाव दिन्छन् । तर होमवर्क नगरेको भन्दै कुट्ने, मानसिक यातना दिने काम हुँदैन । जसरी शिक्षकबाट यस्तो व्यबहार हुन्छ अभिभावकबाट, जन्म दिने आमाबाबुबाट पनि सरकारले त्यस्तै व्यबहारको अपेक्षा गरेको हुन्छ । 
 
अमेरिकामा रहेका नेपाली समुदायका अभिभावकहरु, तपाइहरुले पनि चाहे जानाजान होस् या अञ्जानमा आफ्नै बालबालिकालाई पनि हानी हुने गरि कुनै काम नगर्नुहोला । बच्चाहरुलाई हात छोड्ने काम पनि नगर्नुहोला ।
 
बच्चाहरुले ९११ मा फोन गरेर पुलिस बोलाइदिए भने जिन्दगीभरि पछुताउनुपर्ने अवस्था आउनसक्छ । फोन गर्नु पनि पर्दैन स्कुलमा साथीहरु, शिक्षक–शिक्षिकासँगको कुराकानीमा अभिभावकले पिटेको कुरा गरे भनेमात्र पनि मान्नुस तपाइको जीवन नर्कमा धकेलियो । किनकी अमेरिकामा कुनै पनि अपराधमा जेल पर्नु भनेको बाँकी जीवन खोटो सिक्का जस्तै हुनपुग्छ । तसर्थ संयमित होउँ र सभ्य बनौँ, बालबालिकालाई पनि संयमित र सभ्य बनाउँ ।

http://www.himalayakhabar.com/detail/67558.html


 


Please Log in! to be able to reply! If you don't have a login, please register here.

YOU CAN ALSO



IN ORDER TO POST!




Within last 7 days
Recommended Popular Threads Controvertial Threads
मन भित्र को पत्रै पत्र!
TPS Work Permit/How long your took?
Does the 180 day auto extension apply for TPS?
Travelling to Nepal - TPS AP- PASSPORT
NOTE: The opinions here represent the opinions of the individual posters, and not of Sajha.com. It is not possible for sajha.com to monitor all the postings, since sajha.com merely seeks to provide a cyber location for discussing ideas and concerns related to Nepal and the Nepalis. Please send an email to admin@sajha.com using a valid email address if you want any posting to be considered for deletion. Your request will be handled on a one to one basis. Sajha.com is a service please don't abuse it. - Thanks.

Sajha.com Privacy Policy

Like us in Facebook!

↑ Back to Top
free counters