वरिष्ठ प्रहरी उपरिक्षक अर्यालले महर्जनलाई बन्य जन्तु चोरी निकाशी तथा
पुरातात्विक सामान चोरी निकाशी अभियोग लगाइने जानकारी दिए । बैंककमा रहेका
अमेरिकी नागरिक बेकरलाई 'रेडकर्नर नोटिस' जारी गरी झिकाइने तथा कारवाही
गरिने पनि अर्यालले उल्लेख गरे । प्रचलित कानुन अनुसार, बन्यजन्तुका अंग
चोरी निकाशी गरे ५० हजारदेखि एक लाख रुपैयाँ सजाय तथा ५ देखि १५ वर्षकैद
हुने ब्यवस्था छ भने पुरातात्विक सामान चोरी निकाशीमा २५ हजारदेखि एक लाख
रुपैयाँ जरिवाना तथा ५ देखि १५ वर्षसम्म कैद हुने ब्यवस्था छ ।
यसैगरी, महानगरीय प्रहरीको अपराध महाशाखाले आजै पत्रकार सम्मेलनमा बैशाख
२७ गते राजधानीको मगर गेष्ट हाउसमा पूर्णबहादुर घर्ती मगर र रणबहादुर
घर्ती मगरको हत्यामा संलग्न छविलाल घर्ती मगर र अनिल घर्ती मगरलाई
सार्वजनिक गरेको छ । अनिल घर्ती मगर माओवादीको जनमुक्ति सेनाका पूर्व
सदस्य तथा वाईसीएल कार्यकर्ता रहेको प्रहरीले बताएको छ ।