"When there is a smoke, there must be fire". Having said that, finally we have a proposed list of Ambassadors.... I was expecting someone different from the list for USA.
दस राजदूतको नाम प्रस्ताव
देवेन्द्र भट्टराई
(kantipuronline.com)
काठमाडौं, कार्तिक २६ - एक दर्जनभन्दा बढी मुलुकमा छ महिनादेखि रिक्त राजदूतको पदपूर्तिका लागि परराष्ट्र मन्त्रालयले सूची तयार गरेको छ ।
परराष्ट्र स्रोतअनुसार पहिलो चरणमा १० मुलुकका लागि सिफारिसमा परराष्ट्र सेवाबाट तीन जनाको चयन भएको छ । बाँकीमा सत्ता साझेदार कांग्रेस, कांग्रेस -प्रजातान्त्रिक), एमालेबाट र केही भने अबको सत्तामा नयाँ साझेदार बनेर आउने माओवादीसहितका लागि 'खाली राखिएको' स्रोतको दाबी छ ।
प्रस्तावित नाममा संसदका महासचिव सूर्यर्किरण गुरुङलाई संयुक्त राज्य अमेरिका र प्रधानमन्त्रीका विदेश मामिला सल्लाहकार डा. सुरेशराज चालिसेलाई बेलायतका लागि राजदूतमा सिफारिस भएको छ ।
यस्तै, एमाले नेतृ साहना प्रधानको नाम रुस र अर्का एमाले नेता टंक कार्कीको नाम चीनका लागि प्रस्तावित छ । एमालेको नौमहिने शासनकालमा न्युयोर्क नियोगमा उपप्रमुख रहेका प्रमेश हमाललाई जेनेभास्थित राष्ट्रसंघीय नियोगको दूतमा प्रस्ताव गरिएको छ ।
जनजाति मामलामा अगुवा रहेका एमालेका गणेश योञ्जनलाई जापान र यसअघि श्रीलंकामा राजदूत रहेका कांग्रेस -प्रजातान्त्रिक) का बलबहादुर कुँवरलाई पाकिस्तानका लागि प्रस्ताव गरिएको छ ।
यस्तै, परराष्ट्रका सहसचिव प्रदीप खतिवडालाई बंगलादेश, हीराबहादुर थापालाई प|mान्स र डा. दिनेश भट्टराईलाई बेल्जियमका लागि सिफारिस भएको छ ।
पहिलो चरणको उक्त सूची लिएर परराष्ट्रमन्त्री केपी शर्मा ओली आइतबार बिहान प्रधानमन्त्री गिरिजाप्रसाद कोइरालासँग परामर्श गर्न बालुवाटार पुगेका थिए । 'मैले आज प्रधानमन्त्रीसँग भेटघाट गरेको हुँ,' उनले कान्तिपुरसँग भने- 'कुराको विवरण म खुलाउन
चाहन्न ।' राजदूत नामको प्रस्ताव र परामर्शबारे पनि ओलीले आफू 'केही कुरा गर्न नचाहने' बताए ।
प्रस्तावमा भारत, बर्मा, कतार, साउदी अरबसहितका केही मुलुकका लागि सिफारिस छैन । यसै साता अर्थ मन्त्रालयमा भएको निर्णयमा दक्षिण कोरिया र अस्ट्रेलियामा समेत दूतावास स्थापना गनर्ुपर्ने भएको छ ।
दल-माओवादी ऐतिहासिक समझदारीपछि राजदूत नियुक्तिको प्रमाणपत्र दिने वा ओहदाको प्रमाणपत्र राजा वा प्रधानमन्त्री कसले बुझ्ने भन्ने प्रस्ट हुन सकेको छैन । 'यसबारे अहिले कुनै चर्चा भएको छैन,' ओलीले भने ।
Posted on: 2006-11-12 19:02:11